4 نصائح للعناية بالاسنان وكيفية استخدام الفرشاة

[Butterfly of the sky]

لحتى تضل ابتساماتكم مشرقة وما تعتازونا بكرة بالمستقبل.. هي شوية نصائح:


1-راقب معجون أسنانك: تأكد أنو نسبة الفلورايد بمعجون أسنانك بتتراوح بين (1100-1500) جزء في المليون لا أكتر ولا أقل , ولحتى تعرف هالنسبة دور على عبوة المعجون ولازم تلاقيها, فإذا ما لاقيتها معناها هالمعجون خطير على أسنانك..

2-استخدم قبضة الأصابع في تنظيف أسنانك وليس قبضة الكف: يعني مو يمسك الواحد فرشاية السنان وكأنو ماسك خنجر وإنما كما لو أنو ماسك قلم أو ريشة.. ليش؟؟ لحتى ما تحف سنانك أو تخرشها.. وهون بحب نبهكم إلى أنو بعض معاجين الأسنان وخاصة يللي بتبيّض الأسنان فيها حبيبات صغيرة مخرشة للأسنان, وبرغم أنو هالمعاجين بتبيّض الأسنان آنياً لكنها بتخرشها, ومع مرور الوقت رح تقل ثخانة السن ورح يصير أكثر عرضة للنخر..

3-بعص الناس بينضفوا أسنانهم من فترة لفترة بعصير الليمون الطبيعي مع رشة ملح الليمون.. وفعلاً بهالخلطة العجيبة كانت أسنانهم تطلع تحفة! بس بالحقيقة الأسنان بهالطريقة بتتخرش وبتنأذى خاصة على المدى الطويل..

4-ديروا بالكم عاللثة وإلا.... بتختيروا على بكير وبهروا سنانكم.. فلا تعرضوا اللثة للرضوض قدر الإمكان وتجنبوا انحشار الطعام بين أسنانكم لأنو يؤذي اللثة.. وبيسبب مع الوقت تراجع لثوي..


منقولين :D

[Butterfly of the sky]

ياجماعة لاتواخزوني بس في كمالة للنصائح :)



5-النصيحة الأولى هي أنو الواحد بعد ما يفرشي سنانو ما في داعي يبالغ بالمضمضة بيكفي يتمضمض مرة لأنو لازم تضل آثار من المعجون على الأسنان..

6-النصيحة التانية معروفة عموماً وهي وجوب استخدام فرشاة أسنان ناعمة.. (يعني حتى أقسى عضو بالجسم لازم نتعامل معو بنعومة!!).

7-النصيحة التالتة هي أنو لازم لما ننام نراعي أن يكون فكنا السفلي بحالة راحة يعني يكون الفك السفلي مبتعد عن العلوي بمسافة حوالي (0,5-1) سم (وهذا يحدث تلقائياً وبشكل طبيعي), بس أحياناً الواحد لما بينام منبطحاً بينضغط الفك السفلي على العلوي مما يؤدي لضررين هما حف الأسنان وأذية المفصل الصدغي الفكي..

8-النصيحة الرابعة هي: لا تجعل من أسنانك أداة لعض الأقلام ولا مطرقة لت*^**^*ير الجوز ولا وسيلة لاقتلاع المسامير وغيرها.. لأن ذلك يؤذي الأسنان والرباط ما حول السني.

9-النصيحة الخامسة هي تجنب شرب الكولا قدر الإمكان لأنها تحتوي على أحماض الفوسفور والماليك والكاربونيك التي تسبب تآكل طبقة الميناء.

10-ملاحظة أخيرة: نزف اللثة ليس دليلاً على صحتها (متل ما البعض بيفكر) وإنما ذلك قد يشير إلى احتمال إصابتها بمرض التهاب اللثة لذلك الأفضل "تراجع" طبيب الأسنان (وإلا بيصير معك عسر هضم!!).

[tamam]

يعطيكي الف عافيه على النصائح

[NaDeR]

Butterfly of the sky

يعطيك الف عاافية

على المعلومات القيمة والمفيدة

[Tto0oTtiii_GgiiiRrLl]

°o.O Butterfly oF the Sky O.o° يعطيكي ألف عافيه على النصائح المفيده ..

[Butterfly of the sky]

تمام , نادر , توتي غيرل
شكرا لمروركم

[شذى]

يعطيكي الف عافية

معلومات قيمة

[بحر الجود]

يسلمووووووا ياقلب بحر

رااااااااائعه دوما

[Butterfly of the sky]

تسلمي يارب
بحر الجووود شكرا الك ولمرورك